Temporalización do REA
Este recurso está pensado para desenvolverse ao longo de 13 sesións e, segundo a proposta cREAgal para a materia de Educación Física de 2º de ESO, englóbase no segundo trimestre.
A continuación, inclúese unha estimación da temporalización recomendada para cada fase deste recurso:
| Fase | Seccións | Descrición do traballo a desenvolver | Temporalización |
|---|---|---|---|
| 1. A escaleta |
1.1. Abrindo camiño. 1.2. Obxectivos. 1.3. O guión. |
Sesión de motivación e presentación do reto que se vai desenvolver, onde se pon en valor o papel da danza e do xogo como elementos transmisores da cultura dun pobo. | 1 sesión |
| 2. Reunión de guión |
2.1. Sintonizando coñecementos. 2.2. Calidade do sinal. |
Sesións de revisión e activación de coñecementos previos en relación co traballo en equipo, a expresión corporal, a coordinación motriz, a danza e o xogo. | 2 sesións |
| 3. Preprodución |
3.1. A equipaxe. 3.2. A procura. 3.3. O novo fogar. |
Sesións con actividades grupais para practicar diferentes danzas e xogos, tanto galegos como do mundo. Esta práctica grupal se complementa con actividades de consolidación individuais de diferente nivel. | 5 sesións |
| 4. Saída en antena |
4.1. Organizando a emisión. 4.2. Ensaio xeral. 4.3. Dentro directo. |
Sesións dirixidas ao desenvolvemento e execución do reto proposto. O alumnado organiza a emisión de Galegas polo mundo!, fai un ensaio xeral explorando novos espazos para a práctica deportiva e, por último, fai a representación final. | 5 sesións |
| 5. Análise de audiencia |
5.1. Que di o "audímetro"? 5.2. A escena final. |
Sesión vinculada á auto e coavaliación do traballo desenvolvido ao longo da situación de aprendizaxe, á síntese visual dos contidos incluídos no REA e á reflexión, individual e en grupo, sobre a utilidade das aprendizaxes adquiridas e a súa transferencia á vida real. | 1 sesión |