Esta situación de aprendizaxe está planificada para un total de 22 sesións. Cómpre lembrar que esta proposta de organización ten como finalidade principal aproveitar ao máximo o tempo de práctica motriz co alumnado. Debido ás características propias da área e ao reducido número de sesións ao longo do ano, resulta fundamental potenciar o compoñente motriz, aínda que tamén se reservarán momentos na aula ordinaria para a exploración de contidos e a realización de actividades interactivas que acompañan o REA.