Recursos materiais necesarios

• Para empregar este REA será necesario contar con un ordenador con conexión a Internet para cada estudante, tanto para o traballo individual como grupal.
• O software demandado é de carácter libre e é de acceso vía online ou está instalado nos equipos Abalar da Consellería. 

Proposta de agrupamentos para actividades grupais

Recoméndase a creación de grupos de 3 alumnos/as, asignados polo profesorado.

Para o anterior, a hora de poñer en práctica o REA na aula, recoméndase ao profesorado que teña en conta as seguintes pautas:

• Organizar ao alumnado en función das súas diferentes capacidades para crear equipos nos que cada integrante faga as súas achegas, tendo en conta que hai unha importante parte individual.
•  Crear un clima de traballo positivo e participativo, poñendo en valor os progresos e aconsellando nas dificultades.

Produto final

O produto do reto é un libro de Calc con catro follas nas que se amosen os seguintes informes:

• Individual: cada integrante do equipo debe facer un informe, nunha folla de Calc, sobre a categoría que elixiu. En total 3 informes individuais.
• Grupal: debe elaborarse un informe, nunha folla de Calc, con resultados conxuntos da proba elixida por cada grupo.

Enfoque multinivel do reto

O reto está previsto cun enfoque multinivel que parte duns mínimos comúns para todo o alumnado:

• Informe individual: tres novas columnas a partir da aplicación de distintas funcións (a escoller polo alumnado), dúas gráficas de distintas categorías e elementos básicos de formato.
• Informe grupal: unha función, unha gráfica e elementos básicos de formato.

A partir destes mínimos, cada grupo pode afondar segundo o seu nivel, incorporando máis funcións, gráficas adicionais ou formatos avanzados. Esta estratexia permite adaptar a complexidade, avaliar o progreso individual e fomentar a participación de todo o alumnado.

Base de datos

As categorías Júnior, Cadete e Infantil establecéronse tomando como referencia o ano 2025.

Se o REA se emprega noutro ano, será necesario actualizar as datas de nacemento para manter a coherencia entre idade e categoría.