Ao mal tempo boa cara!

O medio natural é o conxunto de elementos biolóxicos, químicos e físicos que existen na Terra de forma natural, sen intervención humana. Os elementos que conforman o medio natural son:

- Compoñentes vivos: os animais, os microorganismos e a vexetación.

- Compoñentes non vivos: a auga, o chan, o aire, os recursos naturais (sol, minerais...) e o clima

O clima é un dos factores determinantes na distribución dos medios naturais, xa que inflúe na vexetación, no relevo e na fauna dunha zona. Xorden así os desertos, as selvas ecuatoriais ou as rexións polares, entre outras. O clima inflúe directamente nas temperaturas e na humidade, condicionando que organismos poden vivir en cada unha das áreas terrestres. Xuntos, medio natural e climas, crean ecosistemas únicos.

Na Terra distinguimos tres zonas climáticas: a cálida (ou tropical), as tépedas (norte e sur) e as frías (ou polares, norte e sur).

Zonas climáticas da terra e principais liñas imaxinarias

Os cambios no medio natural, como a deforestación, poden alterar o clima, e os cambios climáticos obrigan aos seres vivos a adaptarse, a migrar ou a desaparecer.

Para os estudos climatolóxicos e os prognósticos meteorolóxicos utilízanse estacións meteorolóxicas, instalacións destinadas a medir e rexistrar diversas variables meteorolóxicas. Para iso, a estación componse dun conxunto de instrumentos que se encargan de recompilar datos das distintas variables atmosféricas: termómetro (temperatura), pluviómetro (chuvia), anemómetro (forza do vento), cataventos (dirección do vento), piranómetro (radiación solar), barómetro (presión atmosférica), higrómetro (humidade do aire) etc.

Estación meteorolóxica automatizada polo profesorado do IES Escolas Proval — **Estación meteorolóxica automatizada do IES Escolas Proval**

Anemómetro de la estación meteorología de la Municipalidad Filadelfia.

O rexistro pode ser de forma manual ou automatizada, como no caso do IES Escolas Proval (Nigrán), emitindo datos en tempo real.

Lectura facilitada

O medio natural é todo o que existe na Terra sen que as persoas o creen.
Forma parte da natureza.

No medio natural hai dous tipos de elementos:

Elementos vivos
- Animais
- Plantas
- Microorganismos
Elementos non vivos
- Auga
- Chan
- Aire
- Sol e minerais
- Clima

O clima é moi importante.
Inflúe en como é un lugar.

O clima afecta:

ás plantas
aos animais
ao relevo
á humidade e á temperatura

Segundo o clima, aparecen distintos lugares naturais.
Por exemplo:

desertos
selvas
zonas polares

O medio natural e o clima xuntos crean os ecosistemas.
Na Terra hai tres grandes zonas climáticas:

Zona cálida ou tropical
Zonas temperadas (norte e sur)
Zonas frías ou polares (norte e sur)

Cando o medio natural cambia, tamén cambia o clima.
Por exemplo, cando se cortan moitas árbores.

Os cambios climáticos fan que os seres vivos teñan que:

adaptarse
desprazarse
ou desaparecer

Para estudar o clima úsanse estacións meteorolóxicas con aparellos que miden o tempo.

Algúns instrumentos son:

Termómetro: mide a temperatura
Pluviómetro: mide a chuvia
Anemómetro: mide a forza do vento
Cataventos: indican a dirección do vento
Barómetro: mide a presión do aire
Higrómetro: mide a humidade

Audio

Fuga de palabras climatolóxicas e meteorolóxicas

Le o parágrafo seguinte e escribe as palabras que faltan.

Os alimentos que consumimos, as paisaxes que ollamos, as construcións que levantamos, o noso aspecto externo, a nosa propia cultura e os nosos costumes dependen en boa medida do Encher ocos (1): . O clima constitúe un dos condicionantes das sociedades humanas e das súas formas de asentamento.

Na Terra distínguense Encher ocos (2):JXUwMDJjJXUwMDA2JXUwMDE3JXUwMDE2 zonas climáticas, que se distribúen segundo a súa Encher ocos (3): e en función das súas Encher ocos (4): : unha zona Encher ocos (5): (que ocupa a franxa entre o Encher ocos (6): e os Encher ocos (7): , de 0º a 20º de latitude norte e sur), outra Encher ocos (8): (localizada entre os trópicos e os círculos polares) e outra Encher ocos (9):JXUwMDNlJXUwMDE0JXUwMDlmJXUwMDhj .

Os factores que determinan a temperatura dun lugar son: a latitude: ou distancia ao Encher ocos (10): ; a Encher ocos (11): que se mide respecto do nivel do mar; a distancia respecto do Encher ocos (12):JXUwMDM1JXUwMDBjJXUwMDEz : o mar suaviza as temperaturas, porque tarda en arrefriar e en quecer; a Encher ocos (13): que é a cantidade de vapor de auga que hai no aire, e que procede das augas da Terra e dalgúns seres vivos.

Para o estudo dos climas os/as Encher ocos (14): sérvense de diversos aparatos, que adoitan estar gardados nunha estación meteorolóxica:

O Encher ocos (15): : para medir as temperaturas en graos Encher ocos (16):
O Encher ocos (17): : para mediar as precipitacións en mm.
O Encher ocos (18): : para medir a presión atmosférica, medida en Encher ocos (19): ou hectopascais.
O Encher ocos (20): : para medir a velocidade do vento en km por hora.
O Encher ocos (21): : para medir a humidade atmosférica en tantos por cento.
O viraventos - Encher ocos (22): : marca a Encher ocos (23): do vento.
O Encher ocos (24): : determina a radiación solar incidente na terra en quilowatts por metro cadrado.
O Encher ocos (25): : dinos as horas de sol e horas de nubes ao longo do día.

(Montse R. Paz: "A terra, os continentes, os océanos, o medio natural", p. 18, Ámbito Social, Módulo 1, UD1. Educación a Distancia Sempresencial. Xunta de Galicia, 2009)

Activar JavaScript