Que é o diario de aprendizaxe?
O diario de aprendizaxe é o espazo no que irás recollendo as experiencias vividas, tanto dentro como fóra da aula, relacionadas co proceso de aprendizaxe ao longo do reto. Co seu uso desenvolverás a túa autonomía e a túa capacidade para reflexionar e aprender a aprender.
Deberás cubrilo segundo as indicacións do teu profesor ou da túa profesora. No diario de aprendizaxe irás valorando o teu progreso no reto, polo que é individual. Con todo, contén algunhas actividades para facer individualmente e outras en colaboración co teu grupo.
Servirache de axuda para autoavaliarte, compartir información cos teus compañeiros e as túas compañeiras de grupo e conseguir o reto proposto.
Lectura facilitada
Utilizarás o diario de aprendizaxe
para escribir sobre que fas e aprendes
durante este proxecto.
Debes pensar nas cousas que foron ben
e tamén nas que non saíron como querías.
Co uso do diario aprenderás a reflexionar
sobre o teu traballo e o traballo en equipo.
Servirache de axuda para compartir información
coas túas compañeiras e compañeiros de grupo
e conseguir o reto proposto.
Atende ás explicacións da túa profesora ou do teu profesor
sobre o que debes facer no diario de aprendizaxe.