Glosario
Anemómetro
-
Definición:
-
Instrumento que mide a velocidade do vento en km/h.
-
Exemplo:
-
O anemómetro da estación meteorolóxica marcou fortes refachos de vento pola tarde.
Barómetro
-
Definición:
-
Aparello que mide a presión atmosférica. As súas unidades de medida son os milibares (mbar) ou hectopascais (hPa).
-
Exemplo:
-
O barómetro anunciou unha baixada de presión que indicaba a chegada dunha borrasca.
Cataventos
-
Definición:
-
Instrumento que indica a dirección do vento, segundo os puntos cardinais (norte, sur, este e oeste).
-
Exemplo:
-
O cataventos xirou cara ao norte ao cambiar o vento repentinamente.
Estación meteorolóxica
-
Definición:
-
Conxunto de instrumentos que recollen, regularmente, datos (manual ou automaticamente), sobre o tempo atmosférico. Os datos recollidos permiten a elaboración de predicións meteorolóxicas ou para estudos climáticos.
-
Exemplo:
-
A estación meteorolóxica do centro mide a temperatura, o vento e a humidade.
Higrómetro
-
Definición:
-
Aparello que mide a humidade do aire en porcentaxes de vapor de auga.
-
Exemplo:
-
O higrómetro indicaba un 90 % de humidade durante a treboada.
Piranómetro
-
Definición:
-
Instrumentos que miden a radiación solar que chega á superficie terrestre en watts por metro cadrado (W/m²).
-
Exemplo:
-
O piranómetro rexistrou un aumento de radiación ao mediodía.
Radiosonda
-
Definición:
-
Pequeno dispositivo que se eleva con balóns meteorolóxicos para medir temperatura, presión e humidade en altura.
-
Exemplo:
-
A radiosonda enviou datos da atmosfera ata máis de 20 km de altitude.
Sismógrafo
-
Definición:
-
Aparello que rexistra os movementos da cortiza terrestre, especialmente terremotos e erupcións, mediante un sensor chamado sismómetro. Produce un gráfico chamado sismograma.
-
Exemplo:
-
O sismógrafo detectou un pequeno tremor durante a madrugada.
Sistemas de información xeográfica (SIX)
-
Definición:
-
Programas que permiten analizar, representar e interpretar datos xeográficos mediante mapas dixitais.
-
Exemplo:
-
O SIX permitiu analizar as zonas afectadas polo incendio forestal.
Sonar
-
Definición:
-
Acrónimo de "SOund NAvigation And Ranging". Dispositivo que usa ondas sonoras para medir profundidades e detectar obxectos baixo a auga.
-
Exemplo:
-
O sonar do barco localizou un banco de peixes a varios metros de profundidade.
Teodolito
-
Definición:
-
Instrumento de precisión, montado habitualmente sobre un trípode, que permite medir ángulos horizontais e verticais en topografía. Na enxeñería civil e na construción determina puntos e calcula distancias.
-
Exemplo:
-
O equipo de xeógrafos empregou un teodolito para medir o desnivel do terreo.
