Parabéns!

Remataches o percorrido por este interesante camiño dos pobos chamados "bárbaros" que, como puideches comprobar, axudaron a configurar parte do que é a cultura europea actual. De seguro, cambiou a túa visión das persoas que, na actualidade, e por diferentes motivos, teñen que fuxir dos seus lugares de orixe na procura dunha vida mellor. Agora é o momento que o expreses a través de diferentes ferramentas. 

Intenta elaborar un produto final no que poidas facer paralelismos entre o impacto positivo das migracións bárbaras no Imperio Romano e as actuais, de maneira que provoque unha reflexión nas persoas, xoves ou adultos, que as vexan. 

Ánimo!

Por que este reto?

Porque axudará a cambiar a visión negativa que se tiña das invasións bárbaras e que, moitas veces, relaciónanse cos actuais movementos migratorios. A través da consecución do reto, poderás amosar todos os beneficios que implicaron o asentamento dos pobos do norte nos territorios do antigo Imperio romano de occidente, mesturándose coa poboación hispanorromana e, co tempo, creando novos reinos que se consolidaron ao longo da historia.