1.1. Un planeta en perigo ou a fin do noso modo de vida?

Antes de comenzar preguntámonos

Antes de comezar coa nosa viaxe é preferible deseñar con coidado que medios de transporte podemos usar, que rutas tomar e cal é o resultado de cada traxecto en relación á pegada de carbono no Medio Ambiente de cada un dos nosos protagonistas. Pensa que cada un destes viaxes é moi importante para salvalo noso Planeta!!!

Para levar conta de todo o acontecido empregaremos o diario de aprendizaxe, unha especie de caderno de bitácora onde anotaremos o que vaiamos aprendendo, así como o que consideremos oportuno do proceso de ensino-aprendizaxe.

Aumento de CO2 atmosférico Ortisa (talk), CC BY-SA 3.0

Agora, repasa a imaxe anterior e analiza canto dióxido de carbono hai na atmosfera e como foi variando esa cifra ao longo das últimas décadas. Logo, podes anotar no teu diario de aprendizaxe as respostas:

En que época se disparou a acumulación de dióxido de carbono na atmosfera?
Cal cres que foi a causa principal? Que cifras de dióxido de carbono calcúlanse hoxe como habituais na atmosfera?

Lectura facilitada

Antes de comezar coa nosa viaxe pensa

que medios de transporte podes usar,
que rutas podes tomar e
cal é o resultado final de cada traxecto

Debes valorar estes factores en relación á pegada de carbono no Medio Ambiente.

Pensa que cada un destes viaxes é moi importante para salvalo noso Planeta!!!

Empregarás o Diario de aprendizaxe para reflexionar sobre o que vaias aprendendo.

Aumento de CO2 atmosférico Ortisa (talk), CC BY-SA 3.0

Mira a imaxe e analiza canto dióxido de carbono hai na atmosfera.

Analiza como foi variando a cantidade de dióxido de carbono nas últimas décadas.

Debes anotar no teu Diario de aprendizaxe as respostas:

En que época se disparou a acumulación de dióxido de carbono na atmósfera?
Cal cres que foi a causa principal?
Que cifras de dióxido de carbono son hoxe habituais na atmosfera?

Contaminación e enerxía.

No fondo da cuestión, todo se resume en dúas palabras: fabricación e enerxía.

Eses dous son os principais factores contaminantes. Temos que conseguir que as formas de producir, aclimatarnos e de movernos sexan sostibles, reducindo as enerxías fósiles e as materias primas limitadas, por enerxías limpas e materias primas ilimitadas.

Todo isto levaranos ao seguinte nivel, o chamado desenvolvemento sostible, onde a enerxía verde (hidroelectricidade, solar, eólica e mareomotriz) e os materiais reciclables (seguindo as regras das 5 R), co cal lograremos mellorar a nosa calidade e a conservación do Medio Ambiente.

Agora, tras ver os vídeos que vos mostramos a continuación, fai unha táboa no teu Diario de aprendizaxe e anota as respostas as seguintes preguntas:

Cales son os beneficios de cada enerxía verde?
Cres que substituíndo as enerxías fósiles polas verdes é suficiente para salvalo planeta?
No fondo, a que continentes afectan estes problemas? Que teñen en común?

As enerxías verdes

A enerxía hidráulica

Enerxía eólica

Enerxía solar

Enerxía mareomotríz

Enerxía xeotérmica

Lectura facilitada

A fabricación e a enerxía son os principais factores contaminantes.

O desenvolvemento sostible traballa con enerxías renovables e materias reciclables.

Apoio visual

Escribe no teu diario de aprendizaxe!

Deberás cubrir este diario de aprendizaxe segundo te indiquen as instrucións do recurso e segundo avances na túa aprendizaxe. Servirache de axuda para:

Reflexionar sobre a túa aprendizaxe.
Autoavaliarte.
Compartir información cos teus compañeiros e compañeiras do grupo.
Conseguir o reto proposto.

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa Ao longo deste diario de aprendizaxe encontrarás actividades individuais e actividades grupais.

Agora, abre o teu diario de aprendizaxe e escribe o que consideres de interese nestas propostas:

Recordabas estes coñecementos de Primaria?
Por último, redactade unha pequena reflexión (5–10 liñas), coas túas palabras, sobre a relación entre o aceleramento do quecemento global climático e a contaminación producida pola Revolución Industrial.