Glosario
Broadway
-
Definición:
-
Broadway é o conxunto dos grandes teatros profesionais de New York, onde se representan espectáculos de relevancia a nivel mundial.
-
Exemplo:
-
Este musical está tan ben feito que vai ser representado en Broadway
4.1. Luces, cámara...
A biblioteca é Broadway!
Xa tes a túa composición lista para tocar con obxectos e tes un discurso preparado para concienciar sobre a contaminación acústica.
Chegou o momento de que elabores unha posta en escena.
Traballa nun grupo de 4 persoas e esperta a túa imaxinación.
A biblioteca pode ser o novo Broadway!
Audio
Crear unha posta en escena
Aquí tes os pasos que debes seguir para elaborar a posta en escena para a túa actuación relampo.
Escolle un espazo axeitado
Isto é algo fundamental. Unha das características principais dunha actuación relampo é que se realiza nun lugar público.
Unha proposta é realizalo na biblioteca, pero podes escoller calquera espazo que consideres axeitado tras consultalo co equipo docente.
Elixe como comeza a actuación
O principio dunha actuación relampo sempre sorprende porque a xente non o espera.
Poderías, por exemplo, comezar na biblioteca do teu centro facendo un ritmo abrindo e pechando o bolígrafo ou golpeando o libro contra a mesa.
Quen se une?
Unha vez comece a actuación relampo, decide como se van sumando o resto de ritmos e de elementos.
Por exemplo, se comezas facendo un ritmo co bolígrafo podería aparecer alguén pola porta movendo unha cadeira. A continuación alguén que está sentado en silencio comeza a abrir e pechar o seu libro.
Un final xenial
Nunha actuación musical sempre son moi importantes os principios e os finais, por iso debes pensar un final que sirva de clímax á actuación.
Un truco é empregar os matices de intensidade. Podes comezar en piano os últimos 4 compases e realizar un crescendo ata fortíssimo.
Outro truco é servirse do tempo e empregar un accelerando ou un ritardando.
Expón o teu slogan
Acabas de rematar a túa actuación relampo. Chega o momento de explicar o motivo polo que realizaches esta actividade: concienciar sobre a contaminación acústica.
Unha vez rematen os aplausos debes aproveitar a atención e comezar o teu discurso sobre a contaminación acústica.
Remata a exposición proclamando con seguridade o teu slogan da páxina 3.6. "E ti sen paraugas!"
Audio
Ficha de traballo en equipo: Ruído en acción
Podes descargar a ficha e cubrila.
Lembra gardala ao remate. Consulta co profesorado o xeito de cubrila.
Rúbrica para avaliar as actuacións relampo
| Excelente | Satisfactorio | Mellorable | Insuficiente | |
|---|---|---|---|---|
| O silencio | O silencio utilízase de forma consciente e expresiva, tanto para dar comezo á actuación como durante a mesma. (1) | Tense en conta o silencio antes de comezar a actuación e enténdese a importancia do seu uso como recurso rítmico. (0,75) | Hai certa atención ao silencio ao inicio pero non se fai un bo uso como recurso rítmico. (0,50) | Non se valora o silencio para comezar a actuación e non se usa como recurso rítmico. (0,25) |
| Variedade rítmica | Cada persoa do equipo interpreta un ritmo diferente con variedade de figuras rítmicas. (1) | Case todas as persoas do equipo interpretan un ritmo diferente con bastante variedade de figuras rítmicas. (0,75) | As persoas do equipo non interpretan un ritmo diferente ou hai moi pouca variedade de figuras rítmicas. (0,50) | As persoas do equipo non interpretan un ritmo diferente e hai moi pouca variedade de figuras rítmicas. (0,25) |
| Variedade tímbrica | A proposta presenta unha gran variedade tímbrica e inclúe o uso melódico do botellófono. (1) | A proposta presenta bastante variedade tímbrica e inclúe o uso melódico do botellófono. (0,75) | A proposta non presenta variedade tímbrica ou non inclúe o uso melódico do botellófono. (0,50) | A proposta non presenta variedade tímbrica nin inclúe o uso melódico do botellófono. (0,25) |
| Interpretación | Todas persoas do equipo interpretan moi ben a súa proposta e mostran seguridade e coordinación. (1) | Todas persoas do equipo interpretan ben a súa proposta e mostran bastante seguridade e coordinación. (0,75) | Todas persoas do equipo interpretan aceptablemente a súa proposta, mais con bastante inseguridade ou falta de coordinación. (0,50) | As persoas do equipo non interpretan aceptablemente a súa proposta e nótase inseguridade e falta de coordinación. (0,25) |
| O discurso | O discurso está moi ben estruturado e resulta coherente e fluído. (1) | O discurso está ben estruturado e resulta bastante coherente e fluído. (0,75) | O discurso está aceptablemente estruturado pero non resulta coherente nin fluído. (0,50) | O discurso non está aceptablemente estruturado e non resulta coherente nin fluído. (0,25) |
| O slogan | O slogan é moi pegadizo e ten unha mensaxe clara. (1) | O slogan é bastante pegadizo e ten unha mensaxe bastante clara. (0,75) | O slogan non resulta pegadizo ou non ten unha mensaxe o suficientemente clara. (0,50) | O slogan non resulta pegadizo nin ten unha mensaxe o suficientemente clara. (0,25) |
| Traballo en equipo | O reto amosa un excelente traballo en equipo. (1) | O reto amosa un bo traballo en equipo. (0,75) | O reto amosa un traballo en equipo aceptable. (0,50) | O reto non amosa un traballo en equipo aceptable. (0,25) |
- Actividade
- Nome
- Data
- Puntuación
- Notas
- Reiniciar
- Imprimir
- Aplicar
- Nova xanela
Diario de aprendizaxe
Unha vez que xa remataches o teu reto é o momento de reflexionar.
Recorda todo o que aprendiches e traballaches para poder realizalo.
Ademais non esquezas as dificultades e como soubeches solucionalas.
É o momento de ir ao teu diario de aprendizaxe e reflexionar sobre o traballo realizado.