Glosario
Escaleta
Definición:
Documento no que figuran ordenadas as diferentes intervencións dun evento.
Exemplo:
Houbo que modificar a escaleta do festival unhas horas antes pola enfermidade dun dos artistas.
4. Parece que vai bo tempo
Todo encaixa
Que gusto dá cando, logo de semanas enteiras de nubes, ventos fortes, chuvias intensas, días escuros e brétemas mestas, sae finalmente o primeiro raio de sol. O tempo clareou e as ideas comezan a ter sentido.
Despois de descubrir, ler e traballar todos os capítulos do conto, agora é hora de poñelos en orde. Chegaches ao momento decisivo desta aventura!
Nesta fase, serás quen de reconstruír a historia completa: ordenarás os capítulos seguindo a súa orde cronolóxica e farás todo o preciso para contalo e interpretalo diante do colexio, na Fin de Curso.
Lectura facilitada
Xa liches, escoitaches e traballaches todos os capítulos.
Agora tes que poñer os capítulos en orde.
É o momento decisivo desta aventura.
Prepárate para contar a historia completa na Fin de Curso.