5.1. Avaliación da Axencia

Hall of fame: O legado da Axencia S.A.U.D.E

  Agrupamento: Toda a clase

Imaxe dunha guía de supervivenciaDurante estas semanas, recolliches información vital sobre como combater ao Sedentor: técnicas de desenvolvemento da condición física, coidado do corpo, primeiros auxilios... e todo ese coñecemento estratéxico quedou plasmado na túa Guía de Supervivencia. E o resto dos teus compañeiros e compañeiras fixeron o mesmo!

Por iso, desde o Alto Mando, decidimos que esta información é demasiado valiosa para quedar oculta nos nosos arquivos confidenciais. Decidimos seleccionar as mellores guías para que sexan publicadas e enviadas a toda a poboación mundial, proporcionando así unha ferramenta definitiva para que cada cidadán poida defenderse e saiba como actuar en caso de futuros ataques coma o do Sedentor.

Para facer unha escolla correcta, queremos pedirche a túa colaboración. Así, entre todos seleccionaremos as mellores Guías de Supervivencia que merecen pasar ao "Hall of Fame" (salón da fama) da Axencia S.A.U.D.E. e ser publicadas en todo o mundo. 

Farémolo seguindo os seguintes pasos:

  • PASO 1: Exposición de Guías: Deberás presentar a túa guía (en PDF, PowerPoint, cartolina ou no soporte que decidas) ante o resto de Axentes, explicando os puntos clave que deseñaches para a supervivencia e o contido da mesma.
  • PASO 2: Votación Estratéxica: Actuarás como parte dun comité de expertos e votarás, xunto aos teus compañeiros e a #017, as guías que mellor transmitan os coñecementos e sexan máis eficaces para a poboación civil.
  • PASO 3: Acceso ao "Hall of Fame": Se a túa guía é seleccionada, entrará no noso Salón da Fama oficial e a túa Guía será lanzada ao mundo como o manual de resistencia definitivo contra o sedentarismo.

Prepara a túa exposición e moito ánimo nesta actividade final! 

Lectura facilitada

EXPOSICIÓN DE GUÍAS DE SUPERVIVENCIA

Deberás expoñer a túa Guía de Supervivencia ante o resto da clase.

Os teus compañeiros e compañeiras tamén mostrarán as súas.

Ao rematar, votaredes entre todos as mellores.

As mellores Guías estarán publicadas no salón da fama da Axencia S.A.U.D.E.

As mellores Guías tamén serán publicadas e enviadas a todo o mundo para axudalos ante futuros ataques.

Como foron as actividades grupais?

Rúbrica para reflexionar e valorar a túa contribución ao reto grupal.

Analizamos as actividades grupais que se realizaron durante todo o recurso
 Foinos excelente porque...Fixémolo ben porque...Custounos un pouco porque...Debemos mellorar porque...
Na participación e colaboraciónTodos os membros do equipo participamos activamente e colaboramos axudando a outras persoas. (2)Todos os membros do equipo participamos activamente, pero non axudamos a outras persoas porque nos centramos no noso traballo. (1,5)A metade dos membros do equipo participaron activamente. (1)Só traballou un membro do equipo e as outras persoas integrantes do grupo non colaboraron nin axudaron. (0,5)
O clima de traballoFoi motivador e respectuoso, sen conflitos dentro do grupo. (2)Foi agradable aínda que existiron pequenos conflitos que se resolveron inmediatamente. (1,5)Foi pouco motivador porque houbo conflitos frecuentes que afectaban ao traballo e que se resolveron con axuda. (1)Foi conflitivo porque houbo moitos problemas que afectaron ao traballo. (0,5)
Na posta en común de ideasTodas as persoas do grupo fixemos achegas para completar as tarefas. Respectáronse as opinións e argumentouse o rexeitamento de propostas. (2)Todas as persoas do grupo fixemos achegas para completar as tarefas, pero algunhas das propostas rexeitáronse sen razoamento. (1,5)A metade do grupo aportou ideas e propuxo ideas e solucións para acadar as tarefas. (1)Só un membro do equipo aportou ideas, o resto das persoas non levou propostas ao debate. (0,5)
Para o seguimento do traballoFixemos debates e analizamos os resultados do traballo para recoller propostas de mellora. (2)Analizamos os resultados do traballo, e debatemos os resultados, pero non houbo propostas de mellora. (1,5)Analizamos os resultados do traballo, pero sen debates nin propostas de mellora. (1)Non fixemos a valoración do traballo nin debatemos os resultados. (0,5)
A autonomíaFoi plena xa que organizamos o funcionamento do grupo sen axuda, incluso axudamos a outros grupos a organizarse. (2)Foi adecuada xa que organizamos o funcionamento do grupo sen axuda. (1,5)Foi moderada xa que tivemos que solicitar axuda para organizar o traballo ao inicio, pero logo o equipo traballou con autonomía. (1)Foi escasa xa que solicitamos axuda en varias ocasións para organizar o traballo. (0,5)

Elaboración propia (proxecto cREAgal) adaptada dos REA de 1ESO de Educación Física. Analizamos as actividades grupais que se realizaron durante todo o recurso (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Como foi a miña participación individual?

Valoro a miña participación no reto.
 Foime xenial porque...Fixeno ben porque...Custoume un pouco porque...Debo mellorar porque...
Na comprensión do proxectoEntendín todos os pasos para conseguir o reto final e o seu propósito. (2)Souben o que tiña que facer no reto aínda que non entendín o seu propósito. (1,5)Necesitei axuda para entender o reto e os pasos para acadalo. (1)Aínda que solicitei axuda, non entendín as partes do reto. (0,5)
No traballo en equipoIntegreime ben no grupo, axudei ás miñas compañeiras e compañeiros. Amosei moita iniciativa e fun parte importante do equipo. (2)Integreime ben no grupo, axudei ás miñas compañeiras e compañeiros. Acheguei poucas propostas, pero apoiei as propostas dos demais. (1,5)Tiven dificultades para traballar en equipo. Non colaborei co resto do grupo. (1)Non logrei integrarme ben no grupo e rexeitei o traballo. (0,5)
No traballo individualRealicei as actividades individuais que correspondían e remateinas sen erros. Esforceime para realizalas sen axuda. Colaborei coas miñas compañeiras e compañeiros. (2)Realicei as actividades individuais que correspondían, tiven éxito e fíxenas correctamente. Esforceime para acabalas sen axuda e entregueinas todas e a tempo. (1,5)Non realicei todas as actividades individuais que correspondían, para algunhas necesitei axuda. Entregueinas nos tempos marcados. Máis da metade tiveron puntuacións correctas. (1)Non realicei todas as actividades individuais que correspondían. Ademais, a pesares de ter axuda, os resultados deberían ser mellores. (0,5)
Nas sesións motricesParticipei activamente e esforceime para acadar as tarefas con éxito. Axudei ás miñas compañeiras e compañeiros. (2)Participei activamente e esforceime para acadar as tarefas con éxito. (1,5)Participei nas tarefas pero non me esforcei o necesario e algunhas saíron mal. Debería implicarme máis. (1)A pesar de participar en algunhas actividades, frustreime moito e desistín en realizar ou intentar todas as tarefas. Debería esforzarme moito máis. (0,5)
Na superación do retoTraballei co meu equipo para superar o reto, tamén axudei a outros equipos. Presentei o videotitorial rematado e a tempo co meu grupo. (2)Colaborei na consecución do reto. Presentei o videotitorial co meu grupo. (1,5)A miña participación para superar o reto foi baixa, os meus compañeiros e compañeiras tiveron que axudarme moito. (1)Non participei na preparación do reto, deixei que as miñas compañeiras e compañeiros fixeran todo o traballo. (0,5)

Elaboración propia (proxecto cREAgal) adaptada dos REA de 1ESO de Educación Física. Valoro a miña participación no reto. (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Páxina 22 de 27

Licenciado baixo a Licenza Creative Commons Atribución Non-comercial Compartir igual 4.0

Feito con eXeLearning (Nova xanela)