Definición:
É o núcleo do noso corpo e está formado polos músculos máis profundos da zona do abdome, e polos músculos da parte superior do muslo (adutores e glúteos).
Exemplo:
Debemos adestrar o CORE para que non nos doan ás costas.
Definición:
Modo no que están colocadas as partes do corpo de pé, sentados ou tumbados.
Exemplo:
Tes que ter coidado coa túa postura ao estar sentado na clase.
[TELEGRAMA ENTRANTE: Bip, bibi-bip, bip, bibi-bip, bip, biiiip...]
AXENTE, espabila que non queda nada!
A túa maior defensa é unha estrutura sólida. A túa misión é entender a importancia do corpo e como coidalo correctamente para a eficiencia e a protección. Deberás dominar a forma correcta de coidar o teu corpo para previr o perigo, como relaxarte ante a adversidade e como ter a postura correcta para golpear. Ao completar a misión, a Axencia enviarache a ARMADURA EXTERNA definitiva!!!
EFECTO: Esta armadura está deseñada para manter o teu corpo en perfecto estado. Protexerate dos ataques do Sedentor, evitará que se deteñan os teus movementos por mala execución e evitará que te lesiones en combate.
Escoita ao teu corpo e mantén a postura ante a adversidade. Ánimo!
V. Motore
[FIN DA TRANSMISIÓN]
TELEGRAMA ENTRANTE
Debes aprender sobre o coidado do corpo.
Como recompensa recibirás unha armadura.
Coa recompensa poderás facer protexerte dos golpes do Sedentor.
Ánimo!
A postura corporal representa a forma na que te presentas ao mundo. A forza da gravidade quere esmagarte no chan, pero o bo funcionamento das túas estruturas corporais permiten que te manteñas en pé.
Unha boa relación entre os músculos, ósos e articulacións fan que a nosa estrutura sexa indestrutible. Pero un mal equilibrio coporal tamén fainos máis débiles e propensos a sufrir dores que nos fagan parar de movernos. Máis aínda se estamos en época de crecemento, como estades vos, xa que non todo o noso corpo crece á vez. Hai que ter paciencia e saber que canto máis traballemos a nosa postura, mellor estaremos no presente e no futuro.
En resumo, a postura corporal vai cambiando e temos que ter coidado dela.
Debes atender a múltiples partes do teu corpo e un mal equilibrio nunha zona corporal xera un cambio e outras para compensar. Na túa idade quizáis o máis importante sexa:
Como colocas o pé ao camiñar e ao estar parado vai ser importante para unha boa postura corporal. Mira a túa pegada na area na praia ou nun sitio onde quede a marca e comproba se fas unha pegada completa, se podes ver dúas pegadas separadas ou, incluso, se aparece a marca do voso dedo gordo.
Exemplo: vas pola praia con catro amigos e queres facer unha foto das pegadas dos 5 para sempre e vedes que son todas diferentes. Se ves que marcas moito ou que tes dúas, deberías falalo co teu médico.
Os teus xeonllos deben mirar cara diante, pero é frecuente ver como van cara adentro (moi común na túa idade) ou cara fóra. Non todo é culpa do xeonllo, seguramente a cadeira faga o movemento contrario para compensar. Sabes onde se pode ver ben? cando nos agachamos ou cando subimos chanzos altos.
Exemplo: estás correndo para facer unha proba de resistencia en educación física e notas que os xeonllos van chocando.
Escoitaches moitas veces que tes que ter as costas rectas. Imposible. As nosas costas teñen unhas curvas que lle permiten soportan a forza da gravidade e máis. Se son correctas todo vai ben. Se son máis grandes ou pequenas do esperado van provocar dor e compensacións noutras partes do corpo.
Exemplo: O teu profesor de educación física está sempre de pesado dicíndoche que leves a mochila ben repartida. Está preocupado polo equilibrio nas túas costas. Levala moi abaixo cambia a nosa postura corporal e será un problema no futuro.
A postura corporal é a forma na que colocamos o corpo.
É importante a forma de:
Un traballo de forza axeitado vai repercutir na túa saúde da seguinte maneira:
Vantaxas de traballar a postura:
Para mellorar a nosa postura corporal debemos adestrar a nosa forza e a nosa flexibilidade principalmente:
Exercicios para traballar o control postural:
Le o parágrafo seguinte e escribe as palabras que faltan.
Como estás de equilibro e control postural? Tenta mover a túa perna cara diante, lateral e atrás en diagonal sen caer e perder a postura.
Os tres niveis que che proponemos son:
Grávate e móstrallo a #017 na clase para que cho valore.
Imos traballar o teu CORE. Proba a facer unha plancha lateral mentres golpeas un globo tantas veces como queiras cara arriba sen que caia ou ata que canses.
Os dous niveis que podes tentar son:
Grávate e móstrallo a #017 na clase para que cho valore.
Imos probar agora este desafío para a nosa postura corporal. Tenta seguir a secuencia:
Plancha coas mans apoiadas no chan, plancha cos cóbados e volver a plancha coas mans. Se che custa moito podes facelo cos xeonllos apoiados no chan.
Os dous niveis que propoñemos son:
Grávate e móstrallo a #017 na clase para que cho valore.
Fai unha secuencia de relaxación para manter a túa tensión muscular nun nivel óptimo. Neste desafío debes facer contraccións e relaxacións das distintas partes corporais.
Colócate deitado boca arriba nun sitio onde non teñas frío e esteas cómodo. Sigue esta secuencia de contracción e relaxación:
Podes facelos cun compañeiro que te guíe e despois facelo ti tranquilamente.
Grávate e móstrallo a #017 na clase para que cho valore.
Imos probar a nosa habilidade cun compañeiro ou compañeira. Tentade manter a postura coma no vídeo durante 5 segundos polo menos.
Os dous niveis que che propoñemos son:
Grávate e móstrallo a #017 na clase para que cho valore.
Páxina 13 de 27
Licenciado baixo a Licenza Creative Commons Atribución Non-comercial Compartir igual 4.0