Secuencias

Estruturas secuenciais

Como repasaches anteriormente, unha estrutura secuencial é un conxunto de instrucións que se executa unha despois doutra; non se fan saltos nin repeticións. As instrucións execútanse na orde en que están escritas e cada paso depende do anterior.

A continuación, farás dous programas secuenciais para entender mellor estas estruturas.

Con luces

Se traballas con Adafruit PCE, neste programa aparecerán de forma secuencial tres cores: verde, vermello e azul. Nas transicións verás unha espera de 500 ms.
Se traballas con micro:bit, neste programa aparecerán tres debuxos diferentes na pantalla LED.

Con son

Neste programa soará o inicio da popular canción "Parabéns para ti".

Para facelo terás que escoller a libraría de "Tons" na biblioteca de MicroBlocks. Ademais, se tes micro:bit tes que ter conectado o altofalante.

Lectura facilitada

Unha estrutura secuencial ten pasos en orde.

Os pasos fanse un despois do outro.

Neste tipo de estrutura non hai saltos nin repeticións.

Agora farás dous programas secuenciais.

Con luces

En Adafruit PCE aparecerán tres cores en orde: verde, vermello e azul.
En micro:bit aparecerán tres debuxos na pantalla LED.

Con son

Neste programa soará o inicio de “Parabéns para ti”.

Para facelo tes que escoller a libraría de Tons en MicroBlocks.

Se tes micro:bit, conecta tamén o altofalante.

Audio

Transcrición da infografía

Con luces

Inicio.

Acende as luces en verde.

Agarda 500 milisegundos.

Acende as luces en vermello.

Agarda 500 milisegundos.

Todas as luces póñense amarelas.

Programa para Adafruit Circuit Playground Express:

Ao comezar.

Pon os NeoPíxeles.

Agardar 500 milisegundos.

Pinta todos os NeoPíxeles coa cor vermella.

Agardar 500 milisegundos.

Pinta todos os NeoPíxeles coa cor azul.

Programa para micro:bit:

Ao comezar.

Pantalla de micro:bit.

Agardar 500 milisegundos.

Pantalla de micro:bit.

Agardar 500 milisegundos.

Pantalla de micro:bit.

Con sons

Inicio.

Tocar a nota dó durante 500 ms.

Tocar a nota re durante 500 ms.

Tocar a nota dó durante 500 ms.

Tocar a nota mi durante 500 ms.

Ao comezar.

Tocar a nota dó na oitava 0 durante 500 ms.

Tocar a nota re na oitava 0 durante 1000 ms.

Tocar a nota dó na oitava 0 durante 1000 ms.

Tocar a nota fa na oitava 0 durante 1000 ms.

Tocar a nota mi na oitava 0 durante 2000 ms.

Audio

Secuencia ti

Cada opción corresponde a un nivel de dificultade diferente. Escolle o nivel que prefiras e pon a proba as túas habilidades de programación. Ata onde queres chegar?

Audio

Opción A: Programa con luces ou con iconas

Icona dun robot cunha controladora Adafruit PCE e micro:bit nas mans

Programa coa túa controladora a secuencia dun semáforo.

Se empregas a placa Adafruit PCE:

O programa inicia cando se preme "comezar".
Acende a cor vermella.
Agarda 1000 ms.
Acende a cor verde.
Agarda 1000 ms.
Acende a cor amarela.
Agarda 500 ms.

Se programas con micro:bit, substitúe as cores por iconas na pantalla LED.

Semáforo coas cores vermella, verde e amarela

Lectura facilitada

Programa coa túa controladora a secuencia dun semáforo.

Se empregas a placa Adafruit PCE:

O programa inicia cando se preme comezar.
Acéndese a cor vermella.
Agarda 1000 ms.
Acéndese a cor verde.
Agarda 1000 ms.
Acéndese a cor amarela.
Agarda 500 ms.

Se programas con micro:bit:

Substitúe as cores por iconas na pantalla LED.

Audio

Opción B: Programa con son

Realiza un programa que reproduza sons. Crea melodías típicas do teu país como "Amoriños collín", unha muiñeira ou cancións máis internacionais como a banda sonora de Piratas do Caribe.

Man tocando un piano

Lectura facilitada

Fai un programa que reproduza sons.

Podes crear melodías do teu país.

Por exemplo, podes usar “Amoriños collín” ou unha muiñeira.

Tamén podes escoller cancións internacionais.

Por exemplo, podes usar a banda sonora de Piratas do Caribe.