Glosario
Carácter
-
Definición:
-
Unidade mínima de información e escritura; cada unha das letras, números e símbolos que pode escribir un teclado en informática.
-
Exemplo:
-
As cadeas de texto teñen un ou máis caracteres.
3.4. Variables con texto
Traballar con texto en variables
Nas variables pódense gardar datos simples como texto: letras, caracteres, símbolos (# ou !) e frases. A este tipo de datos chámaselles cadeas (string en inglés) porque son a unión de varios elementos, como os elos dunha cadea.
O máis importante dunha cadea adoita ser cantos elementos ten, é dicir, a súa lonxitude. En xeral usamos a instrución de saída "Dicir" para mostrar o valor da variable de texto ou a súa lonxitude. MicroBlocks amosa o resultado desta orde ao inicio do programa no que estea inserida.
Crear unha cadea
É o mesmo que crear unha variable numérica: primeiro indicas o nome da variable e despois asignas o seu valor inicial coa orde correspondente. O nome da variable aparece dentro dunha elipse (fíxate en "cadea" na imaxe inferior") que podes usar nas instrucións que necesites.
Lonxitude da cadea
A orde "lonxitude da cadea", que podes atopar no bloque de "Datos", permite saber o número de elementos dunha cadea. Nunha variable de texto indica o número de caracteres, incluídos os espazos en branco. É unha orde moi usada en programación e convén coñecela.
Lectura facilitada
Nunha variable tamén se pode gardar texto.
Ese texto pode ter letras, símbolos ou frases.
A este tipo de dato chámaselle "cadea".
Nunha cadea é importante saber cantos elementos ten.
Iso chámase "lonxitude".
MicroBlocks pode mostrar o texto ou a súa lonxitude.
Crear unha cadea
Crear unha cadea é parecido a crear unha variable numérica.
Primeiro escolles o nome da variable.
Despois gardas nela un valor.
Lonxitude da cadea
A orde "lonxitude da cadea" indica cantos caracteres ten un texto.
Nesa conta tamén entran os espazos en branco.
Audio
Transcrición das infografías
Crear unha cadea
No menú "Variábeis" podes crear unha nova variábel.
Preme en "Crear unha variábel" e escribe o nome. Por exemplo, cadea.
Unha variábel pode gardar diferentes valores.
- Podes asignarlle un valor inicial.
- Podes cambiar o seu valor durante o programa.
- Podes usar a variábel noutras instrucións.
Existen bloques para traballar coas variábeis:
- asignar cadea a 0 cambia o valor da variábel.
- aumenta cadea en 1 incrementa o valor.
Unha variábel tamén pode gardar texto.
No exemplo, ao comezar o programa:
- asígnase á variábel "cadea" o texto "Ola mundo".
- despois úsase o bloque "dicir cadea" para mostrar ese texto.
Lonxitude da cadea
No menú "Datos" atopas o bloque "lonxitude de".
Este bloque permite saber cantos caracteres ten un texto.
No exemplo úsase unha variábel chamada "cadea".
Ao comezar o programa:
- asígnase á variábel "cadea" o texto "Ola mundo"
- despois úsase o bloque "dicir lonxitude de cadea"
O resultado é 9, porque o texto ten 9 caracteres.
Audio
Operacións con texto en variables
Cos textos pódense facer operacións distintas ás dos números. Algunhas son as seguintes:
Unir
Para escribir unha frase usando o valor dunha variable (tanto se é numérica como de texto) debes usar unha operación chamada "unir" ou "concatenar" (verbo que significa unir elos nunha cadea).
Identificar
Para saber que letra ou carácter hai nunha posición determinada dunha cadea podes usar a instrución "elemento" e indicar o número de orde.
Modificar
Unha cadea non se pode modificar por partes. Non podes cambiar só un elemento. Pero si podes asignarlle un novo valor completo cando o precises.
Converter
En ocasións tes datos numéricos en formato de texto, pero precisas convertelos en números para poder facer operacións matemáticas con eles. Tamén pode pasar ao revés: ter un número e querer pasalo a texto para traballar con el como cadea.
Neste exemplo, a secuencia 123 aparece primeiro como texto e despois convértese en número. Ao multiplicalo por 2, o resultado é 246. Para realizar estas operacións empregarás novas ordes que se atopan ao final no menú de operadores:
Atopar
A orde "atopa" permite buscar caracteres dentro dunha cadea. Indica a posición na que aparece ese carácter ou grupo de caracteres. Se non o atopa, devolve -1. Se aparece varias veces, indica só a primeira posición. Tamén permite buscar máis dun carácter á vez, por exemplo “mu”.
.png "Orde atopar para traballar con cadeas")
Dividir
Ás veces pode interesarche separar unha frase nas palabras que a forman para identificar a posición concreta de unha delas. Para iso úsase a orde "dividir".
Lectura facilitada
Cos textos pódense facer operacións distintas ás dos números.
Unir
Podes unir textos e variables nunha mesma frase.
Esta operación chámase "unir" ou "concatenar".
Identificar
Podes saber que letra hai nunha posición dunha cadea.
Para iso úsase a instrución "elemento".
Modificar
Unha cadea non se cambia por partes.
Podes poñerlle un valor novo completo.
Converter
Podes converter texto en número.
Tamén podes converter número en texto.
Atopar
A orde "atopa" busca letras ou grupos de letras nun texto.
Se o texto aparece, indica a posición.
Se non aparece, devolve -1.
Dividir
A orde "dividir" separa unha frase nas súas palabras.
Así podes traballar con cada palabra por separado.
Audio
Transcrición das infografías
Unir
Ao comezar.
Asignar "cadea" a "mundo".
Dicir une Ola cadea.
Resultado mostrado: "Ola mundo".
Podes unir varios une MicroBlocks.
Ao comezar.
Asignar "cadea" a "Adeus".
Dicir une cadea une ríos cadea fontes.
Resultado mostrado: "Adeus ríos, Adeus fontes".
Identificar
Neste exemplo aprendes a obter caracteres concretos dunha cadea de texto.
Ao comezar.
Asignar cadea a "Ola mundo".
Dicir elemento 1 de cadea.
Dicir elemento 5 de cadea.
Dicir elemento último de cadea.
Modificar
Neste exemplo aprendes a cambiar o valor dunha variábel.
Ao comezar.
Asignar cadea a "Ola mundo".
Dicir cadea.
Asignar cadea a "Adeus mundo".
Dicir cadea.
Converter
Operadores:
- "123".
- 123 é un número.
- 123 convertido en número.
Converter número en cadea.
Converter cadea en número.
Ao comezar.
Asignar cadea a "123".
Dicir une "Eu son" o número cadea.
Asignar cadea a cadea convertido en número.
Dicir une "Eu tamén son" o número cadea * 2.
Atopar
Datos:
- Atopa a en gato.
Ao comezar.
Asignar cadea a "ola mundo".
Dicir "atopa m" en cadea.
Resultado mostrado: 5.
A letra "m" na cadea "ola mundo" está na posición 5.
Ao comezar.
Asignar cadea a "ola mundo".
Dicir atopa z en cadea.
Resultado mostrado: -1.
A letra z na cadea "ola mundo" non está.
Dividir
Datos:
- Divide A,B,123 entre espazo en branco.
- Elemento 1 de Rosa.
Ao comezar.
Asignar canción a divide "Teño tres pitas brancas e un galo negro" entre espazo en branco.
Dicir elemento 7 de canción.
Resultado mostrado: "galo".
Aquí hai un espazo en branco.
O espazo en branco serve para dividir en elementos a cadea.
Identifico que elemento está na posición 7.
Audio
As cadeas en Adafruit PCE e micro:bit
Agora vas aprender a aproveitar as operacións con cadeas mediante exemplos prácticos coas placas Adafruit PCE e micro:bit.
Inclinación da placa
Se empregas a placa Adafruit PCE, podes usar a orde "Dicir" para que informe do valor cualitativo dun sensor. Por exemplo, o sensor de inclinación do eixo Z pode indicar se a placa está cara arriba (valor positivo) ou cara abaixo (valor negativo) con seguinte programa. Se empregas micro:bit, podes usar a pantalla LED para ver o resultado.
Luminosidade sobre a placa
Co sensor de luminosidade, a placa pode dicir se está iluminada ou a escuras (por exemplo, tapada coa man).
Fíxate que o seguinte programa é igual que o anterior, agás que o valor de referencia para distinguir luz de escuridade fixouse en 50.
Tocar unha canción
Na fase 2 viches que para tocar unha canción precisabas poñer unha a unha as notas da partitura. Porén, en partituras sinxelas, nas que a duración das notas é similar, podes aforrar este paso se copias as notas seguidas e despois convertes cada nota nun elemento da cadea. Neste exemplo podes ver como tocar a popular canción infantil “Frei Felipe”.
Lectura facilitada
Agora vas practicar coas cadeas.
Faralo con exemplos nas placas Adafruit PCE e micro:bit.
Inclinación da placa
A placa pode indicar se está cara arriba ou cara abaixo.
Na Adafruit PCE pódese usar a orde "Dicir".
Na micro:bit pódese usar a pantalla LED.
Luminosidade sobre a placa
A placa tamén pode indicar se hai luz ou escuridade.
Neste caso o valor de referencia é 50.
Tocar unha canción
As notas dunha canción poden gardarse nunha cadea.
Despois pódense tocar unha a unha.
Neste exemplo úsase a canción “Frei Felipe”.
Audio
Transcrición dos programas
Inclinación da placa
Programa para Adafruit Circuit Playground Express:
Ao comezar.
Por sempre.
Se inclinación z menor que 0.
Asignar texto a "ABAIXO".
Se non.
Asignar texto a "ARRIBA".
Agardar 500 milisegundos.
Anima o texto texto.
Programa para micro:bit:
Ao comezar.
Por sempre.
Se inclinación z menor que 0.
Asignar texto a "ABAIXO".
Se non.
Asignar texto a "ARRIBA".
Agardar 500 milisegundos.
Anima o texto texto.
Luminosidade sobre a placa
Programa para Adafruit Circuit Playground Express:
Ao comezar.
Por sempre.
Se 50 menor que nivel de luz.
Asignar texto a "Iluminado".
Se non.
Asignar texto a "Escuro".
Agardar 500 milisegundos.
Dicir texto.
Programa para micro:bit:
Ao comezar.
Por sempre.
Se 50 menor que nivel de luz.
Asignar texto a "Iluminado".
Se non.
Asignar texto a "Escuro".
Agardar 500 milisegundos.
Anima o texto texto.
Tocar unha canción
Ao comezar.
Asignar texto a dó, re, mi, dó, dó, re, mi, dó, mi, fa, sol, mi, fa, sol, sol, la, sol, fa, mi, dó, sol, la, sol, fa, mi, dó, dó, sol, dó, dó, sol, dó.
Asignar posición a 1.
Creo unha variable que indique a posición dos elementos na cadea.
Asignar texto a divide texto entre coma.
Divido o texto nas notas da canción, que están separadas por comas.
Repetir lonxitude de texto veces.
A lonxitude do texto é o número de notas.
Tocar a nota elemento posición de texto na oitava 0 durante 500 ms.
Toco a nota da posición 1.
Aumenta posición en 1.
Cambio á seguinte posición (a medida que repita posicións irei á seguintes notas).
Audio
Atrévete a programar
Cada opción corresponde a un nivel de dificultade diferente. Escolle o nivel que prefiras e pon a proba as túas habilidades de programación. Ata onde queres chegar?
Audio
Opción A: Tocar unha canción
Modifica o seguinte código para tocar unha nova canción. Proba con cancións moi sinxelas, como "Parabéns para ti", "Estreliña do lugar"...
Audio
Opción B: Canto tempo tardas en cansar?
Realiza un programa no que teñas que axitar a placa ata que te canses. Mentres axitas con forza, o programa animarate indicando “segue así de rápido”. Cando deixes de axitar con tanta intensidade, o programa deterase e indicarache canto tempo tardaches en cansar. Se non sabes como empezar, segue estas indicacións:
Instrucións
1. Explica en que consiste o xogo
Empeza por indicar na pantalla en que consiste o xogo. En micro:bit tamén podes mostralo na pantalla LED.
2. Agarda ata detectar axitación
Despois, indica que o programa debe agardar ata que haxa axitación. Isto ocorre cando a aceleración é maior de 100. Nese momento, dálle un pouco de tempo á persoa xogadora para coller folgos e pon o cronómetro a 0.
3. Repite a mensaxe ata que te canses
Agora empeza a parte principal do programa. Emprega a orde "repetir ata que a aceleración sexa menor que 100". Mentres a aceleración sexa alta, o programa repetirá a frase "segue así de rápido". Cando a aceleración baixe de 100, o programa dirá canto tempo tardaches en cansar.
Lectura facilitada
Fai un programa para axitar a placa.
O xogo remata cando te cansas.
Mentres axitas forte, o programa anima.
Cando deixas de axitar forte, o programa para.
Ao final indica o tempo.
Instrucións
1. Explica en que consiste o xogo
Primeiro, explica o xogo na pantalla.
En micro:bit tamén podes usar a pantalla LED.
2. Agarda ata detectar axitación
Despois, o programa espera ata detectar axitación.
Isto pasa cando a aceleración é maior de 100.
Nese momento, pon o cronómetro a 0.
3. Repite a mensaxe ata que te canses
Agora comeza a parte principal.
O programa repite a mensaxe mentres a aceleración é alta.
Cando a aceleración baixa de 100, o programa para.
Ao final di canto tempo tardaches en cansar.
Audio
Opción C: Programa que reacciona ante os múltiplos de 3
Fai un no programa que, logo de introducirlle unha lista de números, sexa quen de reaccionar ante os múltiplos de 3. Se traballas con Adafruit PCE, fai que se modifique a cor dos LEDs. Se traballas con micro:bit pon cara contenta. Se non sabes como comezar, emprega estas indicacións:
Instrucións
1. Introduce a secuencia e sepáraa en elementos
Introduce a secuencia de números nunha variable de texto separados por comas. Despois divide a secuencia en elementos para poder traballar con cada número por separado.
2. Percorre toda a lista cun contador
Agora usa un bucle cunha variable contadora. Neste caso, a variable vai dende 1 ata a lonxitude da cadea, que vale 10. Así, o programa vai pasando por todos os números: 1, 2, 3... ata 10. Engade tamén unha orde de agardar 1 segundo (ou 1000 milisegundos) para que dea tempo a ver cada número.
3. Comproba se cada número é múltiplo de 3
Agora calcula se cada número é múltiplo de 3. Se é múltiplo de 3, en Adafruit PCE acenderase a luz vermella e en micro:bit mostrarase unha cara contenta. Se non é múltiplo de 3, en Adafruit PCE acenderase a luz verde. Lembra que, para saber se un número é múltiplo doutro, basta dividilo e comprobar que o resto é cero.
.png "Uso da operación módulo")
Con isto xa tes case todo o programa. Mellórao para que, cando aparezan dous números seguidos que acenden a mesma cor, haxa unha pequena pausa entre eles para poder distinguilos e saber que son dous.
Lectura facilitada
Fai un programa cunha lista de números.
O programa debe reaccionar aos múltiplos de 3.
Na Adafruit PCE cambia a cor dos LEDs.
Na micro:bit aparece unha cara contenta.
Instrucións
1. Introduce a secuencia e sepáraa en elementos
Escribe os números nunha variable de texto.
Separa os números con comas.
Despois divide a secuencia en elementos.
2. Percorre toda a lista cun contador
Usa un bucle cunha variable contadora.
Así o programa revisa todos os números.
Engade unha espera de 1 segundo.
3. Comproba se cada número é múltiplo de 3
Agora comproba cada número.
Se é múltiplo de 3, a placa reacciona.
Na Adafruit PCE acéndese a luz vermella.
Na micro:bit aparece unha cara contenta.
Se non é múltiplo de 3, na Adafruit PCE acéndese a luz verde.
Ao final, mellora o programa.
Pon unha pequena pausa cando saian dous números seguidos coa mesma cor.
Audio
Paréceche pouca complicación?
Se che pareceu doado o exercicio, podes complicalo e facer un xogo de habilidade. Cando o número non é múltiplo de 3 (1, 2, 4, 5, 7, 8...), tes que premer no botón B. Cando é múltiplo de 3 (3, 6, 9), tes que premer no botón A. Se non o fas a tempo, perdes porque o programa se detén.
Lectura facilitada
Se o exercicio che pareceu doado, podes facelo máis difícil.
Podes crear un xogo de habilidade.
Se o número non é múltiplo de 3, preme o botón B.
Se o número é múltiplo de 3, preme o botón A.
Se non respondes a tempo, perdes.
Nese caso, o programa detense.