Posta a punto
Agora que rematastes os adestramentos, cómpre facer a posta a punto para o campionato, é dicir, para afrontar o reto que tedes por diante.
Lembrade que cada un de vós xa ten no seu cartafol dous ficheiros: "Datos_atletismo" e o ficheiro co voso nome e a categoría coa que ides traballar.
É o momento de facer o filtrado para que cada integrante do equipo teña unicamente os datos cos que ides traballar na fase 4. Seguide os pasos do 1 ao 7, sabendo que ata o paso 6 as follas de todos os membros do grupo van ser iguais:
1. Abrir os ficheiros
En grupo, abride o ficheiro de "Datos_atletismo" e a folla individual de cada membro.
2. Copiar as cabeceiras
Copiade as cabeceiras do ficheiro "Datos_atletismo" na vosa folla individual: Dorsal, Apelido 1, Apelido 2, Nome... ata chegar aos 3 intentos da primeira proba.
3. Filtrar os datos da primeira proba
Filtrade os datos da primeira proba para coller unicamente a proba coa que vai traballar o voso equipo. Copiade todos os datos para o voso ficheiro, excepto os referidos á segunda proba.
4. Filtrar os datos da segunda proba
Quitade o filtro para que volvan aparecer todos os datos outra vez.
Agora toca filtrar os datos na segunda proba para coller unicamente os que se refiren á proba que vai traballar o voso equipo. Copiade todos os datos para o voso ficheiro, excepto os da primeira proba, pero neste caso, as columnas referidas á proba 2 debedes pegalas na proba 1, xa que son os que vos interesan.
5. Quitar o filtro
Quitade o filtro para que volva aparecer a folla de "Datos_atletismo" completa unha vez máis.
6. Organizar os datos por dorsal
Na vosa folla, podedes organizar os datos por dorsal. Para iso, hai que darlle a Datos → Ordenar, e ordenar pola columna na que aparece o dorsal con orde ascendente.
7. Filtrar por categoría
Creade unha folla individual para cada membro do grupo. Na vosa folla individual, filtrade por "Categoría" para quedardes unicamente cos datos da categoría coa que ides traballar durante o reto: infantil, cadete ou júnior.
Lectura facilitada
Rematstes os adestramentos.
Cómpre prepararse para o reto que tedes por diante.
Lembrade que cada un de vós xa ten no seu cartafol dous ficheiros:
- "Datos_atletismo"
- O ficheiro co voso nome e a categoría coa que ides traballar.
É o momento de facer o filtrado.
Así cada integrante do equipo terá só os datos cos que vai a traballar na fase 4.
Seguide os pasos do 1 ao 7.
Ata o paso 6 as follas de todos os membros do grupo van ser iguais:
1. Abrir os ficheiros
En grupo, abride:
- o ficheiro de "Datos_atletismo"
- a folla individual de cada membro.
2. Copiar as cabeceiras
Copiade as cabeceiras do ficheiro "Datos_atletismo" na vosa folla individual: Dorsal, Apelido 1, Apelido 2, Nome... ata chegar aos 3 intentos da primeira proba.
3. Filtrar os datos da primeira proba
Filtrade os datos da primeira proba.
Collede unicamente a proba coa que vai traballar o voso equipo.
Copiade todos os datos para o voso ficheiro, excepto os referidos á segunda proba.
4. Filtrar os datos da segunda proba
Quitade o filtro.
Así aparecen todos os datos outra vez.
Filtrade os datos na segunda proba.
Así colleredes unicamente os que se refiren á proba que vai traballar o voso equipo.
Copiade todos os datos para o voso ficheiro, excepto os da primeira proba.
Neste caso, as columnas referidas á proba 2 debedes pegalas na proba 1, xa que son as que vos interesan.
5. Quitar o filtro
Quitade o filtro.
A folla de "Datos_atletismo" aparecerá completa unha vez máis.
6. Organizar os datos por dorsal
Dálle a Datos → Ordenar.
Selecciona a opción de Ordenar pola columna na que aparece o dorsal con orde ascendente.
7. Filtrar por categoría
Creade unha folla individual para cada membro do grupo.
Na vosa folla individual, filtrade por "Categoría" para quedardes unicamente cos datos da categoría coa que ides traballar durante o reto: infantil, cadete ou júnior.
