Vaia repaso acabas de facer!

A fase 2 serviuche para lembrar moitas cousas que empregarás no deseño do cartel do alimento típico da túa zona. Agora precisas subir un chanzo máis e aprender sobre os formatos de documentos de imaxe dixital, as paletas de cores, os tipos de letras que se poden empregar nos títulos, e todo isto sen esquecer a organización dos teus ficheiros, tal e como aprendiches na fase anterior.

Antes de poñerte mans á obra co reto, é necesario que fagas un percorrido polas seguintes partes.

En primeiro lugar, vas descubrir a importancia da cor cando observas un cartel, unha imaxe ou un produto. Ademais, aprenderás a escoller a cor máis adecuada para cada ocasión.

Despois, vas empregar un programa de deseño que che permita recortar imaxes, modificar cores, engadir texto e traballar con capas para poder cambiar só as partes que che interesen dunha imaxe.

No caso das letras, traballarás cunha ferramenta que tamén che permita ampliar ou reducir imaxes sen perder calidade. Seguro que xa tes en mente algún dos deseños tipográficos que coñeciches na Fase 1!