Definición:
Variedade de seres vivos que habitan na Terra ou nun ecosistema.
Exemplo:
As rías galegas son un ecosistema costeiro, onde a interacción da auga doce e salgada, xera un ambiente único que favorece unha gran diversidade biolóxica.
Somos moitos e moi variados os organismos que convivimos no planeta Terra: pensa nunha árbore, unha miñoca, un mosquito… A simple vista, parece que somos moi diferentes entre nós. E sabes que? Tampouco chegamos ao planeta ao mesmo tempo. Con todo, ao longo destas páxinas descubrirás que, curiosamente, non somos tan distintos como parece.
Para iso, propoñémosvos o seguinte reto:
Seguramente cerca do instituto ou na túa localidade hai un espazo natural cheo de vida e historia. Agora tendes a oportunidade de coñecelo, protexelo e compartir a súa importancia cos demais. Invitámosvos a deseñar, en equipo, un calendario da biodiversidade exemplificado nun espazo natural. Para logralo debedes pensar en aspectos clave: que seres vivos habitan alí? Como os clasificarías? De que se alimentan? Que estratexias teñen para sobrevivir no seu ecosistema?
Deixa voar a túa imaxinación mentres aprendes sobre a biodiversidade e as características dos seres vivos!
Ao longo deste recurso aprenderás a:
Pensa sobre as seguintes cuestións co teu grupo sobre a vida, concretamente , sobre a gran diversidade que existe neste planeta. Logo escribe as respostas obtidas no bloque 1 do teu diario de aprendizaxe.
Páxina 2 de 31
Licenciado baixo a Licenza Creative Commons Atribución Non-comercial Compartir igual 4.0